الشارع اللي ورانا الحلقة 5 HD اونلاين 2018

قصة مسلسل الشارع اللي ورانا الحلقة 5: المسلسل عبارة عن قصة رمزية كل حاجه بتحصل ليها اشارة او تفسير غير مباشر..
بالنسبة للى بيقولوا انها ميته، المتاهات اللى ظهرت قدام القصر ده مؤشر للعقل الباطن او اللاواعى لدرة اللى معيشها ف اضغاث احلام، القبر مجهول الهوية اللى سناء شافع بيحفره احتمال يكون قبر فاروق الفيشاوى وفى مقوله اسمها (الارواح سواء ميته او عايشه ببتلاقى ف الاحلام او بتحس ببعض) وعشان كده روح بباها لسه بتجيلها، ولبلبة بتمثل عالم الاحلام بتسكن دماغ درة عشان تنسى الواقع والمشاكل اللى عرفتها وتبطل تفكير، وبتحاول توقف الزمن ف اوضتها وتنسيها الحقايق وتعيشها ف واقع افتراضى ونتيجة لده درة بتدخل فكوابيس مش واقعية والأمور بتتلغبط ف دماغها!
عقلها مليان ذكريات حلوه وذكريات وحشه واسرار تخص العيلتين وهى مركزة ع الحلو اكتر (وطبعا الرتم والاحداث بطيئة عشان يطولوا ف المسلسل)
القصص اللى بتقراها ليها علاقة بالقصر والناس اللى فيه، واحتمال يكون الاشخاص واقعيين 'بشكلهم' قابلتهم ف المصحة النفسية(اللى احنا لسه مظهرلناش اى حد منهم لحد دلوقتى!) وعقلها ربطهم بالاشخاص التاريخية او الروائية ماعدا شخصية ماما الهام 'لبلبة' والمفتاح اللى ف رقبتها معناه ان هى مفتاح تاريخ القصر زى ماشوفنا ف ذكرياتها وزمن قصتها مش بعيد!
فى الحقيقة القبور وحياة البرزخ الوقت فيها هيمر بشكل اسرع من الوقت ف الدنيا خاصة لو تاريخك حلو اما عالم الاحلام الساعة فيه بيوم مثلا فى الدنيا وده الفرق! وهيكون معاك ف قبرك عملك الاسود او عملك الخيّر وده على هيئة شخص واحد ولكنه مش شخص ف الحقيقة) اما ف القصر مع درة اشخاص واقعيين واكتر من واحد من ازمنة مختلفة بيسردوا لبعض حكاويهم! والوقت مابيمرش! ولبلبة قالت لها ده البيت اللى بنستريح فيه عشان نقدر نواجه الحياة يعنى ببساطة بتتكلم عن النوم والحلام اللى بتريح دماغنا واعصابنا عشان نقدر نواجه الواقع..
مديحة بتمثل الشخص اللى بيدور ف الماضى وف الغيبيات هى بتسألها هنخرج امتى هى محشورة ف حالة استرخاء ومش عارفه تخرج منها بس بتحاول تفهم بالكتابة ايه علاقة ماضيها بمستقبلها وايه مصيرها والدليل رد لبلبة وربطها للأحداث بقصة آدم والتفاحه! ومديحة ممكن يكون مثال للقارىء او المشاهد اللى عايش ف حيرة وبيحاول يربط الحداث ويفهم المسلسل، او الكاتب بيحاول يربط الخيوط ببعض عن طريقها!
درة اتعرضت لصدمات كتير من بباها لاختها واللى واضح انهم مش متفاهمين مع بعض وكل ده وصلها للأمراض اللى بتعانى منها حاليا واللى مش قادرة تخرج منها ومسجونه ف عقلها اللاواعى واحتمال تطيب واحتمال لا.
مسلسل معقد بس ده احلى حاجه فيه..